URBAN Café Commune (屯門市廣場) (已結業)

这一餐...是唔好食的一餐。我同朋友都点左一个牛肉汉堡，加$25可以连汤及饮品。今晚汤饮是龙虾汤，个汤系好好饮，亦系全晚最好食的，浓浓的龙虾汤配上几旧小小的龙虾肉，弹牙有口感，令我更期待之后的汉堡。之后上的是热桃茶，茶包散及阵阵香浓桃味，几好饮。到主菜系牛堡卖相100分，但味道唔得。牛肉唔juicy,但最接受唔到系块牛劲「苏」，我同朋友都只系食左半块牛就冇再食，太「苏」，可能系我唔太识欣赏。芝士好大块，但个芝士味唔浓郁，其实我食唔到有芝士味，只系食到好滞的感觉，最juicy的系块蕃茄。另外薯条好明显唔系新鲜炸完出黎，摆左好耐先上碟，所以唔脆口，不过抵赞位系薯条都有好多。整体黎讲系失望，因为我觉得麦当当好食过佢，但价钱加埋一套餐计都要$168一位，而且亦唔好食，所以冇下次。呢间野入座计90分钟，但最后都全超过左90分钟，原因系冇咩人等位，在周末的食饭时段都不用等位，好处系可以坐耐d,唔好处系要接受这里食物质素一般，或者下次试意粉可能会好一点。