影片
更多
2017-02-06
2509 浏览
早两晚去西宫同朋友聚餐，我地6个人后加一个变7个，本身见佢价钱都ok就试下，最令我费解嘅系，一坐低就觉得张台好逼，无啦啦有个炉系台面，然后野食都未拎未叫，就有人队个火锅底埋嚟，喂大佬，我嚟食自助餐唔系嚟打边炉，要打边炉我去第二间啦，我仲要无落个单就拎埋嚟，有无问过我想唔想食？7个人，张台又唔系大，仲比个火锅阻住哂，冇啦啦仲放啲放题纸系到，迫到死！不伦不类，都唔知呢间野到底系食自助餐，放题，定打边炉！出面啲生蚝够大只，但食落口好多沙，只只都有咁济。刺身ok。卤水鸡翼唔掂，个咖哩牛腩同薄饼超难食。甜品好多款，但蛋糕类最差。个魔鬼朱古力蛋糕无朱古力味！有4个食都话无味，真系无得顶，点整架？？？芒果蛋糕唔得，木糠布甸太甜，杨枝甘露无味，椰香蛋白无味。系得个蓝莓同焦糖炖蛋食得。食物方面普通，但系啲服务就真系唔多掂。讲真去食野，我觉得服务先系最重要。班楼面都唔知做咩啰，好似得个壳系度行！想落单比纸佢地，举哂手望到都扮睇唔到咁唔理，我呆咗，我再举手，等咗成两分钟先有人见到过嚟接！落完啦等咗好耐又未到，就问系咪漏单，一个唔覆！问过第二个又系听完走咗后无覆到！火都嚟埋！离哂谱！！收碟又慢！明明见到我地张
7个人，张台又唔系大，仲比个火锅阻住哂，冇啦啦仲放啲放题纸系到，迫到死！不伦不类，都唔知呢间野到底系食自助餐，放题，定打边炉！
出面啲生蚝够大只，但食落口好多沙，只只都有咁济。刺身ok。卤水鸡翼唔掂，个咖哩牛腩同薄饼超难食。
甜品好多款，但蛋糕类最差。个魔鬼朱古力蛋糕无朱古力味！有4个食都话无味，真系无得顶，点整架？？？
芒果蛋糕唔得，木糠布甸太甜，杨枝甘露无味，椰香蛋白无味。系得个蓝莓同焦糖炖蛋食得。
食物方面普通，但系啲服务就真系唔多掂。讲真去食野，我觉得服务先系最重要。
班楼面都唔知做咩啰，好似得个壳系度行！想落单比纸佢地，举哂手望到都扮睇唔到咁唔理，我呆咗，我再举手，等咗成两分钟先有人见到过嚟接！落完啦等咗好耐又未到，就问系咪漏单，一个唔覆！问过第二个又系听完走咗后无覆到！火都嚟埋！离哂谱！！
收碟又慢！明明见到我地张台堆满哂碟都唔执，系要到我地摆过隔离台，先有人过嚟收，或者要我地开口先识收。
啲楼面质素差到咁，真系唔会再嚟食啰！！
张贴