炳記牛牛 (已結業)

之前已食过1，2次，睇价钱既话整体都还可以，但今晚再去就出事！见有好多越南河粉，想食香茅鸡奕汤蒙，偏偏冇香茅鸡奕呢个配搭，迫你散叫，算，最后叫左猪颈肉捞蒙，想饮热野，明明我阿妈个餐见到可以叫热柑桔，佢话我个餐冇得嗌，一定要饮乜冰物冰一系热奶茶咖啡，我已经百思不得奇解嫁啦，算，我要左红豆冰！个猪颈肉捞蒙黎到，哗，猪颈肉极度厚切，仲要鞋过啲煲汤的肉，我自认食野方面接受能力好高嫁啦，但呢个猪颈肉真系不得了，感觉似摆左好耐，个捞蒙如果你唔落酸汁就真系淡到一个点，红豆冰又系甜到不得了，成个餐我都唔知有冇食左1/4，真系第一次食野食到我咁激气，仲要加一！平时再难食都尽食唔好浪费咁多，但呢个真心食唔落，sorry!真系唔会再有下次！