包包傾老趙越南餐廳 (已結業)

我今日同朋友食晏昼共享咗一碗生牛肉粉，上汤扎肉粉同加钱叫咗个蟹肉焗蛋金砖，跟餐配上桂圆红枣茶～先讲呢两碗粉，生牛肉坚少得可怜，只有3块半仔，但竟然要俾$52，感觉就好似俾$52蚊食碗斋河粉～上汤扎肉既肉就多啲啦，唔理厚薄都叫做有6块，不过个汤好麻麻，但唔差既～至难顶系个蟹肉焗蛋金砖，朋友叫我形容个味道我真系唔知点讲好，因为只食到咸，到佢食咗一口我就反问佢点形容好时佢都话只食到咸～呢一味可以改名做蟹肉焗蛋盐砖～到底系咪想用盐块盖过唔新鲜既蟹味呢？我都唔知，反正我只觉得怪同咸～全餐唔值，难食又贵～个桂圆茶几好，但偏甜～呢度环境就唔错既～装修有落下钱～职员做事都快手～