鰹烏冬 (LT Tower) (已結業)

同同事lunch黎试吓，见到乌冬款式叫做有好多款拣。但一睇价钱，哇，50几60蚊得个乌冬底🙂 要有𩠌仲要再加钱，叫咗个豆乳乌冬+骨付鸡，埋单接近$90，仲要冇野饮，咁就睇下值唔值…好啦，我地成枱人都落晒单，个个𠮶份都到齐晒仲要食完，坐喺度等我，但我𠮶份都未到🙂 问咗几个姐姐，催到第4、5次，连后过我地黎嘅几枱人都食完走埋！好似唔对路㖞！我再问，先听到佢地同厨房讲起咗我𠮶碗先，我唔知佢地之前有冇帮我跟，无从判断～🙂黎到一睇，连我一开头同佢地讲走青都冇走到，算啦，我自己搞，费事同佢哋讲又唔知要再等几耐😬 就算我个lunch time唔赶，我相信出面等位嘅人都好赶啦 哈哈。讲返个餐先，豆乳汤底都ok嘅，有味，因为我听同事讲鲣鱼汤底系超清淡，冇咩味。但乌冬，讲真，食落好普通好普通，烟韧弹牙？手打？唔觉啰。就咁单面都要卖$50？乌冬要滑唔系基本野咩？骨付鸡就好多人吹捧嘅，味道都几好，好多七味粉同腌料，所以我觉得够味嘅，特别系块皮，系七味粉聚集地方🤣 另外，鸡肉唔嚡，食落有肉汁。总结黎讲，成餐lunch食到又赶又一肚气，事后睇返啲人食评，原来错单漏单都唔系得我一单…