堅韓燒 (已結業)

食物种类唔多$288一位有安格斯牛扒食，牛扒比我嘅定义系大概1cm至1.5cm厚，但系佢嘅牛扒系薄切大概得2mm至3mm厚, 我四个人每次勾四件但都只会嚟得两件，所以我要丧勾，海鲜带子每次勾四粒佢都有比四粒不过系一粒手指公大的一开二的四粒！其实食物方便种类真系好少，唔会值呢个价钱！重点，除咗经理其他员工态度超级差，叫佢哋玩烧烤纸，成日都好耐先换，根本90分钟唔会够时间烧，因为佢啲员工嘅效率超级慢！因为有人生日我买咗蛋糕去，到最后我已经比晒钱㗎喇，我叫佢攞返个蛋糕俾我，佢都有啲唔满意因为𠮶阵时得返几分钟，到我食紧个蛋糕嘅时候，其中一个员工走埋嚟同我讲话我哋已经超左事要尽快离开，出边好多人排队，其实如果你上野快，我又点会咁慢，仲要赶人走，呢间野我永远唔会再食，睇吓佢几时折埋，今时今日开餐厅食物环境固然要好，员工服务态度要更加好，客人先会客似云来！因为我实在唔够时间食嘢，所以冇影相，只系临走补左几张，希望唔好介意，唔信我嘅即管去亲身感受下，祝君好运！新手上路，请多包涵！