二鍋頭 (福苑)

营业中

休息中

火锅店不只火锅咁简单，今日嚟到旺角福苑嘅二锅头，佢唔止系火锅放题，仲有4款煲任点任食。今日试嘅系惹味鸡煲，鸡件都几嫩，配料十分丰富，芫荽、紫洋葱炒起超级香，索哂啲汁，忍唔住连配菜都食埋。呢间店嘅店员好体贴，帮我哋落单时可以比我哋拣份量，例如鸡煲可以拣半份，如果胃口大啲，真系可以一次过试哂4个煲。食完煲就打边炉，鸳鸯锅拣咗猪骨同胡椒猪肚汤，汤底好似老火汤咁，开始前我哋装咗嚟饮，哇～好浓郁好好味。菜品方面，种类都好齐全，肥牛、鲜牛、鲜虾、水饺、云吞、脆肉鲩、牛栢叶、墨鱼滑、瓜菜、肉丸，款式之多，真系每样1件都不得了。仲有饮品、雪糕都系任食，性价比的确几高。