影片
更多
2008-11-05
13 浏览
** 此 食 肆 的 第 十 六 个 笑 **寻晚(4-11-2008 Tue)放o左工同男友去医院睇妈妈,之后我唔同家人食饭,只同男友食,我话唔系好饿,想食小小o野就够,咁佢就话o黎呢间.我同佢叫o左1.$20.00o既清汤牛腩河呢个牛腩几多,又腍,有件好大个萝卜,同河粉一样都好腍.汤真系好清,冇味精,唔错.2.好似$38.00o既净咖喱牛腩男友话畀我试吓辣唔辣,见有好多红油,但又唔系好辣,相反好重椰香,不过薯仔入晒味,好辣.而呢只牛腩都腍,但就唔够清汤牛腩o既腍.啲汁要o黎送饭一流.不过呢个就贵o左啲.3.$12.00o既油菜要o左生菜,唔多油,蚝油都冇乜.最后同男友一人叫一罐汽水,共$16.00.呢餐共$86.00,都几贵.服务:我o地坐低食o紧o野时,有四个客人到o黎,犹豫o左就走,一个负责执o野o既婆婆同收银都努力留住佢o地,但年轻肥肥地可能系老板或太子仔之类o既哥仔就同佢o地讲,唔使叫喇,佢o地唔识货就算.点知佢o地四个返转头食,个男o既态度即刻180度转变咁,好好礼貌咁招呼人o地,重有问必答.而中途,佢同厨房o个个讲o左多次唔知咩鸡X(粗口)面,收银o既话人o地系鬼佬o黎
寻晚(4-11-2008 Tue)放o左工同男友去医院睇妈妈,之后我唔同家人食饭,只同男友食,我话唔系好饿,想食小小o野就够,咁佢就话o黎呢间.
我同佢叫o左
1.$20.00o既清汤牛腩河
呢个牛腩几多,又腍,有件好大个萝卜,同河粉一样都好腍.汤真系好清,冇味精,唔错.
2.好似$38.00o既净咖喱牛腩
男友话畀我试吓辣唔辣,见有好多红油,但又唔系好辣,相反好重椰香,不过薯仔入晒味,好辣.
而呢只牛腩都腍,但就唔够清汤牛腩o既腍.啲汁要o黎送饭一流.不过呢个就贵o左啲.
3.$12.00o既油菜
要o左生菜,唔多油,蚝油都冇乜.
最后同男友一人叫一罐汽水,共$16.00.
呢餐共$86.00,都几贵.
服务:
我o地坐低食o紧o野时,有四个客人到o黎,犹豫o左就走,一个负责执o野o既婆婆同收银都努力留住佢o地,但年轻肥肥地可能系老板或太子仔之类o既哥仔就同佢o地讲,唔使叫喇,佢o地唔识货就算.点知佢o地四个返转头食,个男o既态度即刻180度转变咁,好好礼貌咁招呼人o地,重有问必答.
而中途,佢同厨房o个个讲o左多次唔知咩鸡X(粗口)面,收银o既话人o地系鬼佬o黎.咁我即意会到佢寸人o地发音唔正,呢个人真系.
本身食物都可以,但呢位哥仔o既待客之道有点儿那个.反而个婆婆真系好有礼貌,我o地食完o野,我重饮o紧罐忌廉时,佢走o黎执o野,但好好礼貌咁叫我o地慢慢,我话:啊,我o地都走喇,唔阻你o地做生意.佢话唔系,唔阻,我唔系赶客.其实我都知佢唔系赶客,只系都冇所谓,可以拎埋罐o野起身走啫.
服务分因见到o个个哥仔咁样,虽然(当时)唔影响我,但我肯定我o地走o左之后就会讲我o地,所以要扣一分.
笑容系畀食物同婆婆o既.
另:上o黎至知原来呢o度叫食得栈
张贴