時新快餐店 (已結業)

几年前食过，到今日番食，出奇地无乜人，可能poly啲学生开始放假，之前一路都好想再食，不过真系无咩机会，因为之前成日都超多人，等到傻，仲试过去到无开，白走一趟，试过禁之后，无再专登去，禁隔涉去到摸门钉！好无谓！今次再食，比以前确系差左，一行四人，叫左四个双层芝士蛋汉堡，其中一个个样好正，爆汁，另外个三个，无乜汁！同之前比，件肉明显薄左，酱汁少左，不过肉香味好彩还健在，如果唔系真系……………另外要左份薯条，完全系炸过龙，80%以上系泥黄色，超级干，同埋应该好耐无换过啲油！以前我可以食两个汉堡，两份薯条都觉得唔够，因为太好食，今次食过之后，如果唔系路过个头，都唔会专登话要去啦！环境方面～朋友（女性黎）坐个位背脊贴住柱，柱上高过头既位置，痴住左只死蟑螂！完全唔敢讲服务方面～旧式快餐店，本身唔预有服务，不过态度真心觉得差！由于环境嘈杂，见到有自己盘野放满左，佢讲左句野，但系又听唔到讲咩，正常都会行出去睇下啦！“返埋去等叫号！” 态度奇差！薯条跟两包茄汁，再要就$1包无比到我地，我朋友第一次食唔知有跟，出去问佢罗仲比左钱！最后几蚊废事烦～算数！