MX (昇悅居商場) (已結業)

美心快餐转咗做美心MX后，都未去过食晚餐，今日经过又咁啱肚饿，见个宣传板有我钟意食嘅海南鸡饭，仲标榜「做一唔驶太圆滑，但SIR滑鸡一定要滑」，见咁吸引就去试吓。两个人都系叫咗鸡饭：一个海南、一个咖哩：【MX去骨海南滑鸡饭】鸡肉都几有鸡味，但老实讲我份人唔系咁圆滑 -- 啲鸡肉真系唔滑啰，系咪我期望过高?酸酸地嘅沙律，食落醒胃。冬瓜汤就味精较多。左手边个酸甜酱不错，又几开胃。【原煲咖哩鸡饭】啲鸡大旧但骨头都大，当然鸡肉亦都唔系滑，咖哩亦完全唔香唔辣。加$9可以换杯冰桶原味奶茶，虽然味道OK，但最大问题系一开始冇俾到个冰桶我，要问先揾个桶，装啲冰，加啲水，都几离谱。