阿部屋日式板燒．豚肉專門店

营业中

休息中

洋风咖喱汁点招牌厚切吉列猪扒，睇落系正正常常嘅茶餐厅餐，但系食𠮶阵时有啲惊艳到，首先系个米饭烟烟韧韧粒粒分明，食落都可以食到米饭嘅米香味，有啲似东北大米🍚，可能我对于饭嘅要求比较高，所以如果个饭嘅质量高嘅话呢我都会觉得呢个餐有加分点嘅，再讲吓个猪扒，炸嘅火候系够晒喉嘅，出面脆口，但系入边唔会变得干柴，呢个都要求到个师傅嘅水准会比较高，点埋佢哋个咖喱汁配得啱啱好，因为咖喱汁带少少甜口，猪扒咸香味中和到咖喱嘅甜味，呢个餐比较like，另外可以再加$10多一块蜜瓜，蜜瓜就中规中矩啦，同自己喺出边买嘅都差唔多，另外一个炭烧猪扒饭就比较唔同，炭烧猪扒有啲似生炸嘅猪扒，成旧连骨真系可以食得出个师傅炸猪扒嘅功力好高，出边炸得爽脆入边都可以保留到汁嘅风味，强烈推荐秘制葱油汁，真系净系呢度好易食得到咁好食嘅葱油汁，香葱味好浓，再加上个汁唔会太油，师傅先知原来呢个豉油系佢哋自己制嘅，并唔系喺出边求其可以买得到。