影片
更多
2007-06-06
44 浏览
有晚同女朋友去食, 叫左一客齐齐饺, 一笼小笼包, 重有一杯豆浆. 首先讲一下, 楼面位小姐(样貌)真系几得, 态度都可以接受. 不过成间舖头咁鬼大得一个楼面, 落单, 出菜, 打杂至收钱都系佢, 觉得佢都几超人... (坐左一个钟后就当然觉得原来唔系果回事啦~) d菜都出得算快, 小笼包出到黎冇几耐, 齐齐饺都出到黎. 个样都好似几吸引咁, 不过食落就... d齐齐饺好似食极都系差唔多, 话明30只, 每款3只架嘛~ 点解好似得3款咁嘅? 感觉系有2款每款3只加埋1款24只... 点解咁讲呢, 因为有一款比较辣, 唔食得辣嘅一定会喷火, 另一款就有一阵酸味, 唔知系唔系d肉馅有问题... 而第三款就可能比较清淡, 淡到感觉唔到有味. 不过佢地三款都有异曲同工之妙, 就系皮厚肉实... 再讲果笼小笼包, 真系俾佢呃左我, 佢新鲜出笼系个笼里面出哂烟, 当然拿拿声去夹啦! 常识中, 小笼包里面系好似女性面部皮肤咁充满水份嘅, 所以一定要好小心翼翼咁夹佢, 唔好太大力就夹烂左就漏哂d水出黎... 点知, 唔知系我太唔小心定系女性面部皮肤老化, d水份完全蒸发人间空气中... 唉... 好彩
张贴