正品蕃茄湯麵店 (已結業)

睇完醫生都無諗過咁夜，過左夜晚6點禁晚市，無得揀，只可以外賣返屋企食，諗起呢間番茄返好耐無食過，就外賣呢間喇.我本身唔係茄迷，呢間店好就好在佢都有非茄迷嘅食物，我就揀左燒雞扒配肉餅返；.老公係茄迷，佢就揀左燒雞扒番茄蛋湯飯；.餐大概由48蚊到50幾蚊；包埋飲品，.由荃灣揸車返屯門，打開個飯，仲係熱嘅👍🏻雞扒大大塊，肉餅仲要有2塊，好抵食👍🏻味道亦都唔錯，仲有少少蔥油，撈飯一流😆.試食左少少湯飯，番茄蛋湯都唔錯，好似番茄炒蛋但變左做湯，但味道無因為水多左變左做湯而淡左，撈飯食幾開胃