須佐之男

营业中

休息中

放假日，梗系要出去揾野食，慰劳下自己啦！咁寻日行开中上环，突然见到呢间新开嘅日式居酒屋，八挂同店员倾几句先知，开左2、3个月左右，再睇价钱，都可接受范围，于是就试一试佢！店入面装修一般啦，灯光柔和，气氛都唔错。店员服务非常好，仲成日走黎倾下计，重点系完全熟悉餐牌，例如食物系边黎呀、点样食先最好呀、呢个系咩部位呀，全部都答到，仲好详细添，值得一赞！我就叫左猪颈肉、牛舌串烧，都等左好耐，但一问之下，原来系即叫即烧，再食第一啖，嗯！值得！肉质嫩滑多汁，而且仲有淡淡嘅炭烧味！有时好怕食串烧食到啲烧到㶶哂当系炭烧味个啲架嘛🙄冇理由只系食串烧架嘛，咁于是我就叫左个牛舌饭。黎到嘅时候，嗅到牛舌香味再加…㶶味？咁梗系心一沉啦，唔系嘛？唔知系味我个样问题啦，个个店员就即刻话呢个饭底佢地特别整到有少少饭焦。咁特别？一试，嗯…系脆口嘅，唔系痴牙架啵，个人觉得几特别！牛舌虽然大旧，但一啲都唔难咬开！饮品方面，都几多选择，支装生啤、啤酒、清酒、吟酿等等，不过店员有强调佢地全部嘅酒，产地都系日本。店员都推介左一款叫「八重垣 青乃无 纯米大吟酿」，饮落唔会好劲，口感都几纯，几易入口，值得一试！总括黎讲，呢间居酒屋，