大滿喜日本料理 (已結業)

唔讲咁多，农历新年之前，一齐食返个放题啦！花之恋：沙律酱太多，完全掩盖晒三文鱼嘅味道，三文鱼子份量较多，令到整道菜唔够精致，略嫌失色。天妇罗：粉浆太厚，但系都crispy, 虾够爽口，虾味充足。但系南瓜太腍，略嫌失色。至于蟹柳，当然唔系真架啦，所以不作评论。刺身：整体上而言，刺身系够新鲜嘅，但系三文鱼唔够味，应该系话无咩嘢未。北寄贝，希灵鱼同埋剑鱼等等都好新鲜，色泽鲜艳。但值得一提嘅系呢度嘅象拔蚌好鲜甜，必试！！好可惜嘅系，呢度嘅刺身选择唔够多，但系整体而言系好食嘅。炸广岛蚝：啲蚝系唔系来自广岛就唔知啦，但系真系炸得好脆，其实系好似咬紧多士一样。咬落去果下，蚝汁爆晒出嚟，热度同埋鲜味都有，值得一赞。芝麻鸡翼：普普通通，但系就好香，芝麻味渗入晒成只鸡翼入面。芝士焗元贝：芝士味香浓，元贝嘅鲜味就冇乜啦。但系胜在够香口，好食。沙律嘅种类好多，可惜我无食到。饮品：种类好多，仲有啤酒添。