新匯江美食中心

营业中

休息中

除左大型连锁餐厅之外，其实香港仲有好多唔同地道茶餐厅， 食物质素同埋味道都唔错。今次黎到长沙湾探朋友，顺便食个茶记，呢区有好多茶餐厅，以往都只系食大家乐同大快活，难得黎到呢度，都子想食下其他大众平民既餐厅。我朋友话呢间都几好食，而且大碟夹抵食，所以就去试下啦～佢地既下午特价炒粉面饭，价钱唔算贵，包热饮一杯，我朋友叫左碟豉椒肉片炒河，而我就叫左碟咖喱滑蛋饭。上到枱发觉真系几大碟！一个人真系会食唔哂，唔大食既朋友share黎食都得，味道方面我同朋友都觉得唔错，同一般既茶餐厅食到既味道无咩分别，但系分量就真系十足！而且餐厅环境唔错，地方都好大，一班朋友一齐去食都无问题，唔洗分枱坐。