影片
更多
2021-10-03
521 浏览
喺网上见到关于间餐厅嘅食物介绍，讲到乌冬天上有地下无，汤底又好味到爆，忍唔住就嚟咗试下，殊不知期望越大失望越大。1.明太子煎蛋卷（$98）成份4-5件，中间夹咗啲明太子，但食落去得少少咸味，毫无特色可言，可以用普通两个字概括。2.牛扒配牛舌（$158）分量偏少，几啖就冇。牛舌呈片状，薄到一个点，食落去系爽脆嘅，唔系我想象中软糯嘅牛舌口感。牛扒亦呈条状，鞋口且无味，唔怪得牛扒上面铺满哂萝卜蓉，如果唔𩠌住萝卜蓉食，相信我都食唔落。3.鸡白汤沾乌冬（$118）呢样野本身系我最期待嘅，但出品却狠狠伤咗我个心。首先系鸡肉，原本我喺YouTube见到人地片中嘅系有煎过，鸡皮带有焦糖色嘅鸡肉，所以我都专登问咗楼面可唔可以另上鸡肉，费事俾啲汤浸到淋哂，但楼面话唔得，等到碗野上场我先知原因，啲鸡肉根本就冇煎过，就咁瞓喺啲汤入面，鸡皮发涨，入口只有唔滑，兼且得咸味，如果我想回味佢，只要切啲鸡脾用盐煮下就得。跟住系汤，讲明系沾面，我预想佢嘅汤会比较浓稠，咁样先沾得起。估佢唔到啲汤稀过希尔顿，完全无法挂喺啲面到，最终我唯有当汤面食，但可惜嘅系，佢啲汤都只系普通鸡汤，最多系多咗啲奶油味，就算当佢系汤面，都唔系一
1.明太子煎蛋卷（$98）
成份4-5件，中间夹咗啲明太子，但食落去得少少咸味，毫无特色可言，可以用普通两个字概括。
2.牛扒配牛舌（$158）
分量偏少，几啖就冇。牛舌呈片状，薄到一个点，食落去系爽脆嘅，唔系我想象中软糯嘅牛舌口感。牛扒亦呈条状，鞋口且无味，唔怪得牛扒上面铺满哂萝卜蓉，如果唔𩠌住萝卜蓉食，相信我都食唔落。
3.鸡白汤沾乌冬（$118）
呢样野本身系我最期待嘅，但出品却狠狠伤咗我个心。
首先系鸡肉，原本我喺YouTube见到人地片中嘅系有煎过，鸡皮带有焦糖色嘅鸡肉，所以我都专登问咗楼面可唔可以另上鸡肉，费事俾啲汤浸到淋哂，但楼面话唔得，等到碗野上场我先知原因，啲鸡肉根本就冇煎过，就咁瞓喺啲汤入面，鸡皮发涨，入口只有唔滑，兼且得咸味，如果我想回味佢，只要切啲鸡脾用盐煮下就得。
跟住系汤，讲明系沾面，我预想佢嘅汤会比较浓稠，咁样先沾得起。估佢唔到啲汤稀过希尔顿，完全无法挂喺啲面到，最终我唯有当汤面食，但可惜嘅系，佢啲汤都只系普通鸡汤，最多系多咗啲奶油味，就算当佢系汤面，都唔系一碗优质嘅汤面。
最后嚟到乌冬，我上文不断讲面，原因就系因为佢嘅乌冬食落真系似面，仲要系可以喺佳宝买到嘅幼身家常面，勉强可以话佢口感系有韧性嘅，但有啲韧性嘅佳宝家常面，呢啲就系正宗乌冬？咁我真系唔识欣赏，食返啲喺759买嘅急冻乌冬好过。
4.炸鸡（新用户注册赠送）
边个可以谂到，最令我满意嘅反而系送嘅炸鸡，虽然佢味道单一，咸中有些微苦味，但佢够热够脆，加上其他野食嘅衬托，便显得佢品质较好。
讲完食物，我都想讲埋服务，可能系忙嘅缘故，啲员工心情唔太好都可以谅解，但就特别有一位女员工，块面黑过包青天，攞水俾客嘅时候大大力揼落张台到，又对自己嘅同事唔友善。如果大家去食野时遇到疑似我所描述嘅女员工，可以问下佢咁唔开心，做咩唔quit咗呢份工，相信呢份工嘅薪金都唔系好吸引嘅。
最离谱嘅系，我𠮶日见到佢分量偏少时仲谂住味道唔错嘅话，仲可以加单，可惜佢嘅味道亦令我只想食完尽快走，而事关肚饿嘅缘故，我都将佢啲野食扫哂，带住5分饱嘅感觉夺门而出。
所以如果有人想去试下间餐厅，又见到我呢个评论嘅话，请三思而后行，我同你一样都好疑惑，既然我讲到佢咁普通，点解佢仲可以有咁多笑哈哈。
33 浏览
1 赞好
0 留言
张贴
