大勝軒丸一 (金星閣) (已結業)

呢排疫情影响，差唔多无餐厅要等位咁制，连呢d平时排到傻左嘅名店都唔例外。今日黎到呢间大胜轩丸一，平日出面一定打晒蛇饼，点知今日行到门口人都无，原本都无谂住食呢间求祈买外卖就算，既然缘份来到，一定行入去啦。今日食佢特制沾面set，面底系平日沾面会用嘅粗面低，汤底就唔驶讲啦，系正宗嘅鱼介汤，唔系某d古灵精怪嘅沾面屋乱沟嘅汤底。食完面，有汤剩，可以加入清汤，传统日式做法，佢仲好贴心帮我加到佢觉得适合嘅浓度，饮落唔会太淡太咸。