金牌海鮮火鍋 (已結業)

今日约咗客户倾啲公事！约咗我lunch响呢间金牌饮茶！九龙铺边炉就打得多！呢间lunch就第一次！新嘢更系要同大家share一吓啦！     脆皮烧腩仔同叉烧真系要推介！好多地方嘅烧腩仔个皮都脆到lock lock声！但系总会肥多肉少、或者肉质干争争！佢可以做到薄嘅脆片之余系一层肥一层肉嘅鲜嫩五花腩！一件一次过食3种美味一次过享受矖！叉烧用半肥瘦猪肉！我自己钟意香口嘢！佢个边烧到有少少㶶我超钟意呀！同埋佢挂个蜜汁嘅稀薄度同甜蜜味令到我失仪地食咗大半碟！      今日客户请客！所以特别响金牌订咗个矶煮鲍鱼招待我！我唯有唔客气食哪！呢只南非原只鲍鱼！无一头都有三头！鲍身大过我只手呀！矶煮个酱汁应该有日式味淋！同埋真系好秘制！新鲜煮到鲍鱼刚刚熟！午餐都食到真系夫覆何求呢？       所以点心都好有水准！特别一提有个叫萝卜灌浆嘅炸物！腐皮包住萝卜丝去炸！一啲油都无！里面混合了一些咸香味嘅材料！我真系好钟意食呢啲香口嘢！卒之成碟比我K.O咗！    呢餐快商务午餐食得太开心！放假真系要嚟慢慢叹试埋其他菜式先！（≧∇≦）