23
14
3
等级2
19
0
商务午餐 (算系试菜啦)
2013-12-17 5852 浏览
讲番今日金钟太古广场天一酒家既lunch, 我同老细先到, 用对方个名拎左台, 点左茶, 茶位系每位20, 佢一共有三个menu: set lunch, 点心纸 & 炒野, 老细话似美心㖞!! 坐左一阵, 有个阿姐黎收左只有渍既底碟, 老细问佢点解要收起既, 佢话系装饰用, 所以要收.. (好似唔系好识解释) finally 点左个2480既4人set.. 约半个钟后, 对方先到, 点知被带去坐左另一张老远既台, 好彩老细见到佢地, 叫番佢地过黎坐, d 带位无野下嘛??  带自己个重要客人(对方系同天一有合作的伙伴)游花园?? 个set 有九道菜, 睇下我记唔记得晒先.. 头盘系乳猪.叉烧同烧鸭定鹅.. 唔错既, 但系点解d 乳猪皮同乳猪肉要一横一直咁放, 唔俾人一次过夹晒两样既, 即系肉系打横放系底, 个面打直放番块皮!! 然后系四款点心, 包括虾饺. 蟹籽烧卖. 鲜菌唔知咩饺同埋罗汉x春卷, d 点心的确好味既, 尤其系o个两款饺, 但系因为上菜实在太快, 放到通桌都系, 所以春卷无乜人食, 剩一半有多打包!! 第三味有得二拣一, 系红烧花胶唔知咩燕窝.. 同埋迷你佛跳墙, 我地
更多
讲番今日金钟太古广场天一酒家既lunch, 我同老细先到, 用对方个名拎左台, 点左茶, 茶位系每位20, 佢一共有三个menu: set lunch, 点心纸 & 炒野, 老细话似美心㖞!! 坐左一阵, 有个阿姐黎收左只有渍既底碟, 老细问佢点解要收起既, 佢话系装饰用, 所以要收.. (好似唔系好识解释) finally 点左个2480既4人set.. 约半个钟后, 对方先到, 点知被带去坐左另一张老远既台, 好彩老细见到佢地, 叫番佢地过黎坐, d 带位无野下嘛??
 带自己个重要客人(对方系同天一有合作的伙伴)游花园?? 个set 有九道菜, 睇下我记唔记得晒先.. 头盘系乳猪.叉烧同烧鸭定鹅.. 唔错既, 但系点解d 乳猪皮同乳猪肉要一横一直咁放, 唔俾人一次过夹晒两样既, 即系肉系打横放系底, 个面打直放番块皮!! 然后系四款点心, 包括虾饺. 蟹籽烧卖. 鲜菌唔知咩饺同埋罗汉x春卷, d 点心的确好味既, 尤其系o个两款饺, 但系因为上菜实在太快, 放到通桌都系, 所以春卷无乜人食, 剩一半有多打包!! 第三味有得二拣一, 系红烧花胶唔知咩燕窝.. 同埋迷你佛跳墙, 我地拣左佛跳墙, 好好味!! 再黎系蜜豆唔知咩菇牛柳粒, 牛柳同蜜豆都好食, 个牛柳好似几重酒味啰, 食左两旧唔知怕唔怕添!! 仲有南非22头鲍鱼, 好味, & 有个冬菇菜心加石斑柳, 因为上得太快, 挂住食佛跳墙同鲍鱼, 到食斑既时候, 佢已经腥, 冻晒。跟住就系个经理俾我老细叫左过黎啰, 上菜上得太快喇
, 我地20分钟唔洗已经食晒以上既菜色, 商务午餐上咁赶做乜, 唔俾人倾偈咩? 汗!! 叫佢上慢d, 佢就揾架车仔放晒系你背后, 唉!! 再黎系天一招牌炒饭, 即系鹅肝蟹肉蟹皇炒饭, 系食鹅肝啰, 无咩特别, dessert 系杨枝甘露仲有四色糕点, 包括芋头糕. 椰汁红头糕, 类似绿豆蓉又似系莲蓉既酥, 同理芒果cream卷.. haha 总结论系佢野食系几好味既, 不过无咩特色, 系普通菜色, 可能系新开, 个装饰点有渍, 营运管理都几混乱下, d staffs未系好熟手, 唔系好知做咩, 未系好协调, 老细话最surprise系佢到最尾送既一set利是封啰, 个人认为packing靓, 里面就合格啰!! 同佢分店装修一样, only个门面靓, 入面合格而已!! 消磨左两个钟, 多谢$2,816!!
 
(以上食记乃用户个人意见 , 并不代表OpenRice之观点。)
  • 推介
    已推介
  • 检举
1 已推介
    张贴
    评分
    味道
    环境
    服务
    卫生
    抵食
    用餐日期
    2013-12-17
    用餐途径
    堂食
    人均消费
    $704 (午餐)
    推介美食
    • 鲜菌素菜饺
    • 佛跳墙
    • 蜜豆牛柳粒