影片
更多
2017-07-19
293 浏览
依家做饮食认真唔易，为弥补租金开支，往往营业时间都颇长，尤其是晌啲旺区，不过，今晚到访嘅咖啡店「Ask」，虽位处上环区，却喺8:00pm就闩门，几有个性。踏入餐厅，地方唔大，却全无局促感，皆因对街一面喺落地大玻璃，视觉开扬，又有高嘅楼底，再加上吊起唔少装饰性植物，虽然喺假嘅，都令整体予人清新有活力。而且，枱与枱之间排得唔密，墙上挂起唔少画作，叫人感觉舒适！友人未到，先翻一转餐牌，有一系列全日散点菜式，如小食、沙律、热盘、汉堡、全日早餐、意大利面，选择唔算多，但以咖啡店以言，足以应付日常需要；况且，晌饼柜仲见有啲松饼、牛角酥、蛋糕之类轻食及甜点。晚上嚟，就梗喺打算叫晚餐，晚餐底面两页共6款选择，有两款全日早餐、汉堡、意大利面、鳗鱼饭、三文治，卖$88-$108，并配咖啡或茶，加上舒适环境，定价相宜。Meat Lovers $108晚餐选择中，除咗ASK全日早餐外，依一款Meat Lovers都颇有全日早餐嘅格式，但绝对喺食肉兽嘅头号选择，超啱晒我添。食材包括牛肉汉堡扒（可改选鸡肉汉堡）、烟肉、香草鸡肉肠、芝士、大量粗薯条、牛角包，哗！上枱时摆到一碟都喺，睇见都兴奋呀！最正喺烟肉、鸡肉肠打
踏入餐厅，地方唔大，却全无局促感，皆因对街一面喺落地大玻璃，视觉开扬，又有高嘅楼底，再加上吊起唔少装饰性植物，虽然喺假嘅，都令整体予人清新有活力。而且，枱与枱之间排得唔密，墙上挂起唔少画作，叫人感觉舒适！
友人未到，先翻一转餐牌，有一系列全日散点菜式，如小食、沙律、热盘、汉堡、全日早餐、意大利面，选择唔算多，但以咖啡店以言，足以应付日常需要；况且，晌饼柜仲见有啲松饼、牛角酥、蛋糕之类轻食及甜点。
晚上嚟，就梗喺打算叫晚餐，晚餐底面两页共6款选择，有两款全日早餐、汉堡、意大利面、鳗鱼饭、三文治，卖$88-$108，并配咖啡或茶，加上舒适环境，定价相宜。
Meat Lovers $108晚餐选择中，除咗ASK全日早餐外，依一款Meat Lovers都颇有全日早餐嘅格式，但绝对喺食肉兽嘅头号选择，超啱晒我添。食材包括牛肉汉堡扒（可改选鸡肉汉堡）、烟肉、香草鸡肉肠、芝士、大量粗薯条、牛角包，哗！上枱时摆到一碟都喺，睇见都兴奋呀！最正喺烟肉、鸡肉肠打孖上，牛角包又开咗半，同朋友共享就方便得多。
Meat Lovers
$108
24 浏览
0 赞好
0 留言
日式照烧鳗鱼饭 $98晌咖啡店卖意大利面一啲都唔出奇，但有日式鳗鱼饭就估佢唔到，更估唔到友人喺鳗鱼饭粉丝，真喺一拍即合啦。碗日式照烧馒鱼饭卖相一啲都唔失礼，由盛器、鳗鱼、配菜都做得一丝不苟，啲腌萝卜好爽脆，牛蒡苦中带甘，果然有东洋参之名。
鳗鱼烧得油香，酱油味香浓，质感好嫩滑，唯改善位喺啲饭粒，较湿而有些微烂嘅感觉，失去咗珍珠米𠮶份黏糯感。
15 浏览
0 赞好
0 留言
贵为咖啡店，咖啡嘅选择自然成为焦点，饮品一栏，咖啡嘅种类确实唔少，但成功兴否都仲要取决于质素嘅高低。
但可以肯定嘅一点，就喺唔饮咖啡嘅朋友，嚟到都唔使担心无选择，因为，见佢哋仲提供有多款配搭有新意嘅特色梳打，唔同味道嘅朱古力，以及百分百嘅有机果汁。
此外，咖啡唔啱，冻饮、朱古力又唔啱，花茶、红茶会喺你心水吗？见吧位一排Fortnum & Mason茶罐，虽然小弟唔认识依个英国品牌，但见啲茶罐精美古雅，再上网查查就知咩来头啦。
此外，仲有啲转饮或加配优惠，转其他饮品+$5 / 冻饮+$8 / 特饮+$20，配是日精选蛋糕+$22。不过，再睇睇饮品餐牌嘅分类，发觉转饮优惠唔喺太清晰，最好落单前问问店员转饮依款𠮶款要补几多，避免误会。
法式炖蛋味拿铁 +$5单品价$38，但晚餐关系，补$5就可以享受到杯咁正嘅拿铁。睇外观，咖啡表面平滑，唔会有汽泡嘅出现，再者拉花嘅花纹细致，可见咖啡师嘅手势真喺有一手。再饮一口，醇香度十足，而且口感均匀，再足证撞奶泡冲调嘅技巧高。不过，法式炖蛋口味唔喺太识分，下次都喺饮焦糖或榛子口味啱啲。
法式炖蛋味拿铁
11 浏览
0 赞好
0 留言
友人就较喜欢配上雪糕嘅阿法奇朵，同样单品价为$38，但又唔知何解喺补$8，但总之都好抵。以鸡尾酒杯盛载住云呢拿雪糕球及意大利浓缩咖啡，友人就喜欢雪糕连咖啡一羹过食，话咁先尝到两者自身味道，之后待佢溶溶哋先饮，感觉香滑细腻，有啲似咖啡奶昔。
阿法奇朵
17 浏览
0 赞好
0 留言
松露朱古力蛋糕 +$22沉实嘅松露朱古力蛋糕可以讲喺实力派，底下嘅朱古力松露软心蛋糕好香浓（松露喺指佢嘅质感，咪以为有松露𠮶种幽香味），加入脆脆底更添脆口感，而上层朱古力慕丝十分香滑，放晌石黑板再加啲玫瑰干花，真喺卖相都执到正。
松露朱古力蛋糕
12 浏览
0 赞好
0 留言
热情果慕丝蛋糕 +$22鲜黄色嘅热情果慕丝蛋糕，外观就非常抢眼，以消化饼作为饼底，加入热情果慕丝，中间再夹多屠热情果果蓉，故此，热情果果味十足，但出乎意料之外又唔喺好酸，配咖啡真喺一流，喺小弟嘅超推荐。
热情果慕丝蛋糕
14 浏览
0 赞好
0 留言
顺带一提，佢哋都有午餐供应，不过，就只有3款菜式，有鸟冬、意大利面，定价为$98-$138，比晚餐还要贵，但食材就用上鲍鱼、黑松露、鲜带子。
果然8:00pm准时闩门，但只限于收起门口啲餐牌，我哋原来坐到过钟都唔知，不过，店员亦无赶我哋走，加上整体服务几好，好似追加甜品时，又自动换上新餐具，仲唔收加一添，所以，我哋都称心满足地离开！
张贴
