影片
更多
2024-05-31
168 浏览
朋友约咗我来食嘢，油麻地A1出口直行转左就到啦。不过大厦门口都几难揾，系后巷，大厦都比较旧，不过上到去Cafe门口，就眼前一亮，门口画晒壁画，壁画系海洋主题，好多热带鱼，好靓。店内都有好多唔同嘅壁画，好靓，虽则cafe细细间，到处都睇到老板嘅心思。听佢同其他客人讲已经开咗18年，又真系睇唔出，因为店舖环境算keep 得几好。讲下啲嘢食先，饮品我哋叫咗咸柠七／特浓朱古力，我成个茶餐厅格，来cafe都要饮咸柠七，不过老板就话个咸柠檬系自制嘅，唔系茶餐厅货仔，咁我都安慰啲，又系几好饮，咸味慢慢沁出来，令到七喜唔太甜，好夹，我朋友𠮶杯特浓朱古力，名符其实好浓朱古力味，老板都有介绍选用黑朱古力粉来调配，所以朱古力味特别浓郁。两杯都几好。芝士薯条，好大盘，我哋两个人肉眼见系食唔晒嘅，不过人多又唔同，餐牌上面有写会按人数调整份量，所以人多啲都够食。味道我觉得真系几好，个芝士酱好浓，好香，每条薯条都点到个酱，薯条系切粗条，唔会好似食一般快餐店嘅幼薯，薯条系即叫即炸，所以就算系粗薯都系脆嘅，因为朋友迟放工，个薯条放咗一阵都仲有少少脆。拿破伦肉烟鸭胸 配 意粉拿破伦意粉酸酸甜甜，水准之作，意粉都几弹牙，唔
店内都有好多唔同嘅壁画，好靓，虽则cafe细细间，到处都睇到老板嘅心思。听佢同其他客人讲已经开咗18年，又真系睇唔出，因为店舖环境算keep 得几好。
讲下啲嘢食先，饮品我哋叫咗咸柠七／特浓朱古力，我成个茶餐厅格，来cafe都要饮咸柠七，不过老板就话个咸柠檬系自制嘅，唔系茶餐厅货仔，咁我都安慰啲，又系几好饮，咸味慢慢沁出来，令到七喜唔太甜，好夹，我朋友𠮶杯特浓朱古力，名符其实好浓朱古力味，老板都有介绍选用黑朱古力粉来调配，所以朱古力味特别浓郁。两杯都几好。
咸柠檬七喜／特浓朱古力特饮
2 浏览
0 赞好
0 留言
芝士薯条，好大盘，我哋两个人肉眼见系食唔晒嘅，不过人多又唔同，餐牌上面有写会按人数调整份量，所以人多啲都够食。味道我觉得真系几好，个芝士酱好浓，好香，每条薯条都点到个酱，薯条系切粗条，唔会好似食一般快餐店嘅幼薯，薯条系即叫即炸，所以就算系粗薯都系脆嘅，因为朋友迟放工，个薯条放咗一阵都仲有少少脆。
芝士薯条
1 浏览
0 赞好
0 留言
拿破伦肉烟鸭胸 配 意粉
拿破伦意粉酸酸甜甜，水准之作，意粉都几弹牙，唔好睇佢份量好似唔多，其实好足料，鸭胸我觉得好多，食极都仲有，佢个鸭胸应该自己煮过，唔似得外面买𠮶啲比较韧，佢整得相对比较腍啲，无鸭骚味，其实我几怕𠮶只味，腍得来咬口仍然系度。
拿破伦肉酱烟鸭胸 配 意粉
10 浏览
0 赞好
0 留言
韩式牛肋条 配 白饭
呢个饭好犯规，点解可以咁可爱㗎，鸭仔造型，食唔食佢好呢？咁我哋紧系食啦，个牛肋条配饭系一流，睇佢个酱汁好浓，以为会系好咸好浓味，同埋牛肋条我始终惊太油腻。不过食落口又无呢啲感觉，因为佢个酱比较甜口，牛肋条焖得都几腍，特别系筋位，好有胶质，感觉满满骨胶原涌埋嚟，同埋佢有加咗啲菇菌类落去，我估系切幼条嘅鸡肶菇，唔肯定，不过好有咬口，真系几钟意。
韩式牛肋条 配 白饭 （鸭仔造型极可爱）
1 浏览
0 赞好
0 留言
店内有好多游戏俾客人玩，我哋两个就无玩啦，呢啲游戏系人多玩起上来先好玩。见隔离枱有5个人，就玩得几开心。
老板推介呢个set，大家可以试下。
总结，呢间Cafe仔如果三五知己要揾地方消磨时间，食物质素又唔错，不失为一个好选择。系，仲有一点，老板都好nice，不停同唔同客人倾计，推介大家美食，因为有时唔知食咩好。到我哋9点几走嘅时候，仲有新客入来，唔知呢间铺收几点，应该都夜，夜猫可能都几啱。
张贴
