影片
更多
2019-01-02
756 浏览
哗，终于等到香港得8‘c啦👏🏻可以着靓褛之余，羊肉煲、蛇羹广东美食真系等到颈都长！我以前食开铜锣湾间蛇王椅，太多大陆Gip臣粗粗鲁鲁，而且越食越贵，伙计呼呼喝喝，顶，贴钱买难受咩！5、6年前一次系湾仔玩具街买嘢，丫，有间细到乒乓波枱都放唔落的蛇羹舖暱埋一边。几张旧名人相贴左系店外，记得当时一碗蛇羹价钱比很多店平。一食就食到宜家！蛇羹固然是主打，但空住肚黎的，不妨试试佢地套餐，好抵食。虽然蛇羹一碗$68唔算好贵，但套餐连腊味糯米饭、一碟油菜都系$89，我每次都会double碗蛇羹，先至$127，又饱又暖又好味！蛇羹：汤羹唔杰塌塌又唔稀啷啷，啱啱好，唔咸又够配料，成碗翅咁好料。主角蛇肉量够，有咬口弹牙，唔腥唔滑涩涩好似未洗过咁！食咁多年，系试过一次有条骨！糯米饭：好食、唔油，因为唔系主打，唔系话好特别！其实除左糯米饭仲有好多煲仔饭选择。我偏向钟意糯米饭，因为唔使等，同埋揾糯米饭食难过揾煲仔饭。蛇汤：今次无饮，有时会点这汤，尤其浦完饮完想补补身！油菜：咪油菜啰，不过，我唔要蚝油既，因为佢地菜的清甜真系食得出！食过唔想食蛇王fun、蛇王椅！
我以前食开铜锣湾间蛇王椅，太多大陆Gip臣粗粗鲁鲁，而且越食越贵，伙计呼呼喝喝，顶，贴钱买难受咩！
5、6年前一次系湾仔玩具街买嘢，丫，有间细到乒乓波枱都放唔落的蛇羹舖暱埋一边。几张旧名人相贴左系店外，记得当时一碗蛇羹价钱比很多店平。一食就食到宜家！
蛇羹固然是主打，但空住肚黎的，不妨试试佢地套餐，好抵食。虽然蛇羹一碗$68唔算好贵，但套餐连腊味糯米饭、一碟油菜都系$89，我每次都会double碗蛇羹，先至$127，又饱又暖又好味！
蛇羹：汤羹唔杰塌塌又唔稀啷啷，啱啱好，唔咸又够配料，成碗翅咁好料。主角蛇肉量够，有咬口弹牙，唔腥唔滑涩涩好似未洗过咁！食咁多年，系试过一次有条骨！
糯米饭：好食、唔油，因为唔系主打，唔系话好特别！其实除左糯米饭仲有好多煲仔饭选择。我偏向钟意糯米饭，因为唔使等，同埋揾糯米饭食难过揾煲仔饭。
蛇汤：今次无饮，有时会点这汤，尤其浦完饮完想补补身！
油菜：咪油菜啰，不过，我唔要蚝油既，因为佢地菜的清甜真系食得出！
食过唔想食蛇王fun、蛇王椅！
蛇羹糯米饭套餐
$89
48 浏览
0 赞好
0 留言
糯米饭
34 浏览
0 赞好
0 留言
蛇羹套餐
$89
38 浏览
0 赞好
0 留言
张贴
