新華苑酒家

营业中

休息中

一鸡死、一鸡鸣，之前间味道态度冇两道嘅楼上酒楼折咗之后，好快就到呢间新店上场，仲要系地舖，方便埋坐轮椅人士。下午1点去等位，新嘢就梗系人山人海，喺门口等咗10分钟就入得反而算快。虽然新开，但落单上菜冇甩碌，部长醒目，主动问实点心纸系咪前一后都有写嘢。目测全场七十张4人枱左右。你话系咪好食到齿颊留香，我个人认为冇几多间食肆称得上。但呢间叫做冇一啲离谱嘅味道，譬如扬州窝面幼面底，几足料，计有：猪膶、鸡柳、虾肉、菜芯、冬菇、猪颈肉，家庭式乜都有啲嘅味道。平平哋个廿八蚊咸蛋叉烧饭，又俾到半肥瘦叉烧嚟。口水鸡同第度啲味有啲出入，呢碟好重花椒，冇乜辣反而麻，痺痺哋又另一种食法，部位俾咗鸡胸鸡背鸡翼。柜枱埋单够爽手，问及付款方式系「微信支付宝现金visa……」如数家珍。如厕请到商场就近。