Bingo & Cook (駱克駅) (已搬遷) 新店位置

环境5分：依个一定要畀满分！楼面好高，睇落去好大，向墙一列书枱位，好似图书馆格局，每二人一组温书咁，每张书枱有自成一格嘅主题，好多得意摆设。卫生4分：地方光鲜企理，连厨房同厕所都好干净，卫生可以畀四分。服务5分： 全部年轻侍应生做野快手快脚唔啰唆，满分。味道5分：1)    次次食啤酒炸鸡都会谂起几年前套韩剧，韩剧威力真系大。蜂蜜黄油无骨鸡半份有六只，炸得好干身同好香脆，全部起晒骨啖啖都系肉，好juicy，个味甜完之后有好少许嘅辣味。韩式食法衬杯生啤超级正！2)    牛肉饼份量好似个大pizza咁足，预先一开八易食得多，每件蛋多牛肉多，韮菜个花生油香好出。抵食5分：每人平均二百几蚊饮啤酒食炸鸡，好饱肚，真系好抵食。