影片
更多
2014-05-21
2914 浏览
趁住炸鸡热潮尚未散去，我地都去趁趁热闹! 本想食李家，6:30去到前面已经有三、四十人! 我地见差唔多半个钟无郁过有D唔多对路，但今晚又真系好想食炸鸡，决定叫未汇合我地既友人去排红鸡! 果然，红鸡无咁多人，我地只需大约45分钟就可以入到! Lucky~呢度既格局其实系一间PUB，而食正炸鸡热，呢度连电视都有播返星星既精华片段，比食客重温一番。全间餐厅既灯光都系红色，所以全部相都系红色..........大家都排到肚饿，拿拿临叫野食，侍应都系韩国人，不过识讲小小广东话! 我地叫左韩式炸鱼片汤、卡邦尼炒年糕、韩式蜂蜜柠檬炸鸡、半半炸鸡，仲有覆盆子酒，当然唔少得啤酒!先试覆盆子酒，有D似cranberry juice既味道，虽然酒精成份应该几高，不过感觉几健康，酸酸甜甜极易入口，亦好容易会饮多左! 食物方面，先黎极有韩国风味既韩式炸鱼片汤，味道鲜甜，鱼片弹牙，仲有金菇、鱼蛋等，绝对系食炸鸡前既暖胃之选。而卡邦尼炒年糕既年糕唔够稔，太有赵口，酱汁味道亦唔够。轮到主角出场，先食韩式蜂蜜柠檬炸鸡，本身小妹唔多喜欢食中式既柠檬鸡，因为一向都觉得味道怪怪的，但呢个柠蜜鸡完全改观左我对柠檬菜式既观感，亦
呢度既格局其实系一间PUB，而食正炸鸡热，呢度连电视都有播返星星既精华片段，比食客重温一番。全间餐厅既灯光都系红色，所以全部相都系红色..........
大家都排到肚饿，拿拿临叫野食，侍应都系韩国人，不过识讲小小广东话! 我地叫左韩式炸鱼片汤、卡邦尼炒年糕、韩式蜂蜜柠檬炸鸡、半半炸鸡，仲有覆盆子酒，当然唔少得啤酒!
先试覆盆子酒，有D似cranberry juice既味道，虽然酒精成份应该几高，不过感觉几健康，酸酸甜甜极易入口，亦好容易会饮多左!
食物方面，先黎极有韩国风味既韩式炸鱼片汤，味道鲜甜，鱼片弹牙，仲有金菇、鱼蛋等，绝对系食炸鸡前既暖胃之选。而卡邦尼炒年糕既年糕唔够稔，太有赵口，酱汁味道亦唔够。
轮到主角出场，先食韩式蜂蜜柠檬炸鸡，本身小妹唔多喜欢食中式既柠檬鸡，因为一向都觉得味道怪怪的，但呢个柠蜜鸡完全改观左我对柠檬菜式既观感，亦估唔到原来柠檬同炸鸡系咁夹既，炸鸡吸收哂酱汁，酸酸甜甜，碗底亦有好多酱汁可以蘸，而且鸡肉肉质嫩滑，绝无鞋口既感觉，值得一试!
反观，半半炸鸡既原味炸鸡感觉普通，味道跟K_C 差唔多，而另外既香辣汁炸鸡则较香口惹味，不过甜味多过辣味，有D腻。
所有食物份量都好多 (相对价钱亦颇贵)，我地四个女仔叫左四样野，最后有一盘炸鸡可以攞返屋企，唔怪得我地落单戈阵个侍应既眼神咁奇怪啦，我谂佢都觉得我地叫多左...其实我好耐无食过炸鸡 (包括K_C)，不过难得朋友仔们都唔怕热气，就豁出去试下啦，虽然本身都唔太高期望，不过还可以啦，下次如果唔肚饿要试下李家先得!
张贴
