茶木‧台式休閒餐廳 (已結業)

女朋友话想食完饭食甜品，所以就去咗茶木，因为知道茶木有好多甜品，食完饭唔使两头腾😏餐厅环境几有特色，个人特别钟意啲灯嘅设计。手工拌面其实即系捞面，捞面啲汁咸咸地几好食，另外附送一碗辣汁肥牛，味道唔算太辣，就算我唔食得辣都还可以。另外附送鸭血同埋腐竹。沙嗲肉藕带骨牛小排牛仔骨牛味十足，莲藕炒得好脆身，整体感觉不错。抹茶红豆起司奶盖戚风蛋糕红豆加芝士加奶盖甜到入心，抹茶酱中和返少少令到蛋糕唔会甜得滞，另外切开蛋糕仲有流心，再加埋上面插着一个朱古力甜筒，钟意食甜品嘅人一定喜欢。巧克力火山 & 云顶咖啡巧克力火山都几足料，入边有朱古力碎，可以一边饮一边食朱古力。云顶咖啡比我想像中更有咖啡味，唔会俾糖同奶覆盖左啲咖啡味，个人比较钟意饮呢种。