影片
更多
2008-08-15
70 浏览
呢度d 嘢都OK几好食, 但 d 服务质素真系「好」到你唔信啰! 其实已经唔系睇一次上嚟饮茶, 早已知道呢度 d 职员由最高位到最低位既态度都系差,但真系冇谂到会差到咁啰...事原有个男同事其他几个同事先上到嚟坐低, 见到台面有张细过 B4 size 既纸仔写话有特价煲仔饭,咁就写咗话要两煲, (呢个时间我同两个同事都嚟到坐低) 见到有个楼面侍应婶婶就叫住佢, 当畀张纸仔叫佢落住单时, 点知个婶婶竟然用少少唔耐烦既语气同男同事讲 : 「呢个特价系十二点半前落先有架! 你有冇睇清楚架?!」大家睇下张纸仔, 先见到好细只字写住, 同埋当时系 12:50 (我哋 lunch hour 系 12:30-1:30), 男同事就笑笑口咁问 : 「咁而家几多钱呢?」婶婶既态度仍然差 : 「正价二十八蚊呀!」男同事 : 「咁是旦啦! 都系要两煲啦!」婶婶 : 「你写落点心纸度啦! 」讲完就已经走咗去......其实我 d 同事无论男定女, 个个都系好 nice 既, 所以男同事先冇发火咋!之后我哋仲成餐饭系咁攞呢间酒楼 d 职员嚟讲笑, 当然佢哋听唔到啦!同埋好多嘢都「自己嚟」, 包括加凳、加水等等
事原有个男同事其他几个同事先上到嚟坐低, 见到台面有张细过 B4 size 既纸仔写话有特价煲仔饭,咁就写咗话要两煲, (呢个时间我同两个同事都嚟到坐低) 见到有个楼面侍应婶婶就叫住佢, 当畀张纸仔叫佢落住单时, 点知个婶婶竟然用少少唔耐烦既语气同男同事讲 : 「呢个特价系十二点半前落先有架! 你有冇睇清楚架?!」
大家睇下张纸仔, 先见到好细只字写住, 同埋当时系 12:50 (我哋 lunch hour 系 12:30-1:30), 男同事就笑笑口咁问 : 「咁而家几多钱呢?」
婶婶既态度仍然差 : 「正价二十八蚊呀!」
男同事 : 「咁是旦啦! 都系要两煲啦!」
婶婶 : 「你写落点心纸度啦! 」讲完就已经走咗去......
其实我 d 同事无论男定女, 个个都系好 nice 既, 所以男同事先冇发火咋!
之后我哋仲成餐饭系咁攞呢间酒楼 d 职员嚟讲笑, 当然佢哋听唔到啦!
同埋好多嘢都「自己嚟」, 包括加凳、加水等等, 总之可以自己搞掂既都唔想叫 d 职员帮手, 费事又要受气!我谂如果只系我同两、三个朋友去饮茶, 我一定会 complain 啰!
件事都仲未完, 后来我哋叫做食饱饱, 谂住整个糖水就走, 最后包括我在内有四个人叫个「杨枝金露」, 我谂, 大家都应该知道「杨枝金露」系点架啦! 但当呢四个「杨枝金露」嚟到时, 大家已经觉得唔多好食, 因为明显地见到好花奶色, 好水, 同埋好少料,
不过都要试过落口先知得唔得既, 当四个人同时放入口, 亦同时放低只匙, 然后大家都话真系好唔得!! 我真系未食过差得咁紧要既「杨枝金露」啰!!!
不但水, d 料少到得几粒芒果, 一匙仔西柚肉, 仲完全唔觉有用芒果汁做低, 而系落花奶, 仲要 d 花奶好似开一比五咁, 又唔多冻, 根本就唔知食紧乜!!! 今次我真系忍唔住发火啦!! (我未试过系公司发火架)见到有个高级少少既女侍应行过, 叫佢埋嚟, 但同佢讲完个问题后, 佢拎起睇下就走咗啰!! 真系估都估唔到系呢个反应....................................
但我哋谂佢可能话唔到事, 所以唔想理, 于是就特登叫个著住西装个男经理过嚟, 佢听完我哋讲, 叫个男侍应过嚟收咗我地四碗糖水后话 : 「咁你哋想转咩糖水?」讲紧既时候已经拎起咗张单准备同我哋再落单, 但其实我地根本从来都冇讲过话要转其他糖水啰!
我即时话 : 「唔要啦! 你直接同我 cancel 晒四个糖水佢!」个经理先唔出声咁同我哋改单...
大家请留意, 佢地由头到尾都冇任何客气说话或者道歉既说话同我哋讲过, 同埋接触过我哋既每一位职员个服务态度都系咁差啰! 咁即系唔系个别职员既问题, 系成日酒楼既职员都有问题啦!
唉...... 除咗糖水外, 虽然呢度既食物质素真系唔差, 个价钱系铜记呢区嚟讲又算抵食, 十个人食左廿碟点心, 埋单都系 $490, 但嚟畀钱买难受既话, 咁做乜仲要帮衬呢?!
顺带一提, 同事话原来呢间酒楼系「吴刚师傅」开架! 唔怪得之 d 装修咁浮夸啦!连拍戏都唔用咁过份夸张既装修啦! 同而家钟意简约时尚既现代人真系背道而驰啰...真系好怀疑究竟有冇人会选择系呢度摆酒呢...?!!初时我都谂系咪我唔识欣赏呢间酒楼既装修呢? 但后来讲讲下, 成班同事都话有同感...大家有时间不防去睇睇佢个装修, 真系顶引到丫...!!
懒系中西合壁咁, 但中式既过份金碧辉煌(有 d 《黄金甲》feel), 西式既又过份古欧陆贵族式, 两者加埋一齐, 真系唔知似乜...!
张贴