善茶 (已結業)

当奶盖同黑糖珍珠奶茶大行其道之时，尖沙咀白兰轩道悄悄地开左一间卖港式奶茶嘅外卖饮品店。地理位置唔算有利，但饮品嘅特色相信可以吸引唔少客人。丝袜奶茶一向系香港茶记嘅标志，而善茶将呢项精髓尽现，不少媒体亦曾报导📺客人可以单点港式丝袜奶茶、鸳鸯、咖啡或奶茶红豆冰等港式系列，亦可选择不同茶底加珍珠！其中最吸引我嘅系一款店长推介「普洱珍珠拿铁」。我完全想像唔到中式嘅普洱茶加咗牛奶之后到底会系乜嘢感觉。平时我最钟意嘅系伯爵茶加奶，但中式茶我自己就比较少落奶。意想不到嘅系，普洱独有嘅茶香同鲜奶混合之后，竟然有一种奇妙嘅化学作用，饮落顺滑，香气独特，难怪系店长推介！珍珠都好又有咬口，整体来讲系一杯非常出色嘅饮品！