Mee...lemongrass (已結業)

星期六放假，行铜锣湾皇室堡嘅时候，门口有人派coupon，系一间mee-lemongrass马来喇沙及海南鸡饭专门店，于是三人就趁六点前入座，可以拣套餐食，包一杯热饮及甜品。于是我哋就叫咗个MEE喇沙$78，有大虾、蚬肉、蟹柳、鱼蛋、豆卜、鸡丝及鸡蛋，汤底及味道都唔错，值得一食！另外叫咗个招牌无骨海南鸡饭$80，讲真啲鸡就好一般，鸡唔够滑，鸡皮又多毛，比起太安楼间海南鸡饭真系相差得好远！唯一值得赞嘅就系附送嘅冬瓜汤，味道唔错。以及就叫咗个鸡丝扎肉檬粉$58，又系有啲失望，檬粉有啲好硬，最后叫埋个油松饼，系免费嘅(之前派嘅coupon之一)，反而唔错，几好食！埋单加一，再扣另一张coupon$10，即系$227.6。总括：服务一般，因为有个女侍应成日就嚟收嘢，明明个食客都未食完，仲食紧，佢都行过嚟想收，仲唔止一次，证明佢都唔细心，又心急，而餐厅嘅食物水准，亦好一般，相信都唔会再去食嘅一间。