PizzaExpress (將軍澳中心)

营业中

休息中

分店多. 总有一间喺附近. 不同店食过好几次. 比我嘅感觉系稳阵多过出色. 近期几钟意佢一款意粉.今日又嚟食午餐. 呢间店唔做午市套餐. 唯有散叫. 感觉会偏贵. 晚餐OK.小食: 煎鸡翼. 就系最普通煎鸡翼. 鸡肉肥瘦适中. 味道啱啱好. 卖点系佢嘅芥末酱. 十分屈机. 任何食物点佢都好好食. 介绍埋杯冻柠檬茶. 好难得有茶味. 而且无限添饮.我唔特别喜欢呢度嘅Pizza. 之前食过有一款叫做Calabrese. 特点系长方形嘅. 味道似系落咗桂林辣椒酱. 我几钟意. 可惜唔系大众口味.稳稳阵阵嘅系夏威夷Pizza. 菠萝酱偏多. 味道合格.白酒蟹肉意粉. 系呢间餐厅我最钟意嘅菜式. 蟹肉多. 蒜香味浓. 有镬气! 有时重手落多咗辣椒都几辣. 冇所谓啦, 反正我钟意食辣.朱古力球. 可能系呢度嘅热卖菜式. 每次都热辣辣. 里面软软靭靭. 点埋朱古力酱系极佳嘅甜品.整体食物OK. 有一两样食物留得住我.