影片
更多
2024-07-27
423 浏览
《六国酒店 Le Menu － 湾仔》呢篇食评对我黎讲极其罕见，我竟然会食buffet！我呢d鸡仔食量嘅人如果唔系约左人倾野，都真系未必会出现喺自助餐现场。不过7－8年冇食自助餐，今次体验都几唔错！六国酒店贵为香港经典酒店已经超过90年历史，其中菜厅－粤轩嘅中菜就相当有名。今次黎到佢嘅自助餐真系几有期待！传统酒店我就最钟意，因为先唔好讲食，传统酒店服务，绝非新派酒店可以媲美，佢可能冇新酒店咁靓，咁Stylish，但隐隐有种一丝不苛同人情味喺当中。成个buffet以龙虾为主题，多款由生到熟嘅龙虾菜式，以原只开边波士顿龙虾为首，加上加拿大雪花蟹脚、面包蟹、翡翠螺同一众大家食buffet会抢嘅刺身！同大家食开果d buffet唔同，传统酒店即系传统酒店。热盘区比较多你平时食唔到嘅野，包括焗蟹盖、避风塘炒龙虾钳、黄金虾、酥炸生蚝、蒸扇贝、蚝皇扣海螺片、香煎盲曹呢d中菜品重嘅菜式。仲有炉端烧食，其中我最钟意佢个鸭肝，加埋件烘脆左嘅面包一齐野，不知不觉可能食好多件！最开心系呢度会无啦啦有个厨师即场表演，整鲍鱼鸭掌同埋老牌餐厅先有嘅火焰雪山。有得食又有野睇，气氛都几好！我特别想讲下个汤，大家可能都发
呢篇食评对我黎讲极其罕见，我竟然会食buffet！我呢d鸡仔食量嘅人如果唔系约左人倾野，都真系未必会出现喺自助餐现场。不过7－8年冇食自助餐，今次体验都几唔错！
六国酒店贵为香港经典酒店已经超过90年历史，其中菜厅－粤轩嘅中菜就相当有名。今次黎到佢嘅自助餐真系几有期待！传统酒店我就最钟意，因为先唔好讲食，传统酒店服务，绝非新派酒店可以媲美，佢可能冇新酒店咁靓，咁Stylish，但隐隐有种一丝不苛同人情味喺当中。
成个buffet以龙虾为主题，多款由生到熟嘅龙虾菜式，以原只开边波士顿龙虾为首，加上加拿大雪花蟹脚、面包蟹、翡翠螺同一众大家食buffet会抢嘅刺身！
同大家食开果d buffet唔同，传统酒店即系传统酒店。热盘区比较多你平时食唔到嘅野，包括焗蟹盖、避风塘炒龙虾钳、黄金虾、酥炸生蚝、蒸扇贝、蚝皇扣海螺片、香煎盲曹呢d中菜品重嘅菜式。仲有炉端烧食，其中我最钟意佢个鸭肝，加埋件烘脆左嘅面包一齐野，不知不觉可能食好多件！
最开心系呢度会无啦啦有个厨师即场表演，整鲍鱼鸭掌同埋老牌餐厅先有嘅火焰雪山。有得食又有野睇，气氛都几好！
我特别想讲下个汤，大家可能都发现佢个buffet招牌野都几靠中菜，而汤方面除左有龙虾汤，我对佢个竹丝鸡螺头炖猪展印像深刻，绝对唔系出面酒店果d汤可以做到，入口清甜而不油，浓郁得黎好暖好舒服，我饮左2碗。
至于作为甜品之鬼嘅我，其实呢度都真系几多样式。冻柜差不多有20款切饼／甜品拣，其实系试唔哂。当中我觉得士多啤梨西瓜蛋糕同珍珠奶茶布甸几有趣，朱古力慕丝蛋糕、士多啤梨拿破仑、芦荟柚子果冻有水准！Häagen-Dazs任食就基本野，我私人建议一个食法就系佢地有即制窝夫，拎完倒个Häagen-Dazs落去。包你满足！
个人觉得，其实你食得多出面好相似，要黎回本嘅buffet，不如试下另一种体验。特别系如果有长辈生日／造节，一家人黎食系好适合。
张贴
