正宗山東餃子店

营业中

休息中

好多年前食过东京街分店，印象得一个，就系饺皮好厚。事隔咁多年，今次试粉岭分店，带埋未食过嘅屋企人一齐嚟试。今次星期六晚上6点零嚟到，我地成为第一枱客人。韭菜煎饺半打 $40 + 粟米煎饺半打 $43饺子SIZE唔算大，望落亦唔饱满；饺皮无印象中咁厚；煎得唔太靓仔，食落完全唔脆口之余，油感仲要好高😥。两款饺子中，个人比较中意粟米饺，贪佢多左粟米嘅爽脆感同甜度。猪肉剁得好碎，食落就系一旧好软、好滑、无口感嘅肉碎。猪扒上海粗炒 $49呢个粗炒卖相唔错，豉油色好深，感觉应该几有镬气~但原来得个样😂面条完全无味…😂猪扒虽然好薄，但个味唔错，亦因为薄，所以唔韧。餐厅最好味系个橙色辣酱，本身仲以为系辣豆瓣，但完全唔系果回事!! 捞佢落个无味嘅粗炒，增添蒜香，即刻生色不少!!虽然食物一般，但职员几有人情味。