CoHee

营业中

休息中

粉岭唔多咖啡店，呢间系一间我经常去嘅cafe❤️ 佢哋位于 #粉岭港铁站 附近，由车站行过去大约5分钟左右路程，要由 #前粉岭裁判法院 正门铁闸到入（即露天停车场隔离，对住祥华邨个门口），然后经过前粉岭裁判法院行到尾先系。其实佢正正前面有个闸口位，但𠮶个位入唔到，我第一次去𠮶时行咗去后面，结果都要兜返转头正门入🫢呢间cafe其实都几大同几多位，有室内同室外，冬天好天嘅时候，我会拣坐出面Chill下～ 望出去四周无高楼大厦，即刻有离开香港感觉。室内装修好舒服，佢有啲位系好似日本榻榻米咁可以坐地下，同朋友嚟坐𠮶啲位都几Relax。佢有Cake、包类同正餐食，暂时我食过佢几款Cake同Bagel，未有机会试正餐🤭呢杯 #Latte 系全粉岭最好饮嘅🤣Nutty 味，个奶又香浓，我成日过去叫杯咖啡就消磨一个下昼。