影片
更多
2022-04-09
1053 浏览
呢间小店我已经想去好耐，由一开始喺旺角开业嘅时候已经盯实咗佢，可惜旺角店上年结业。到咗近排就登陆荔枝角，就黎个“新店”报导啦。其实新店开业无耐就因疫情而停业，系呢个礼拜先再开返。咁都唔出奇嘅，中哂嘅人呢个礼拜就出返哂黎...没事儿！黑布小巷现时仲有葵芳扫街店同北角便当店。餐厅由三个90后主理，疫情之前，佢哋已经去过N次台湾。佢哋成日帮榇当地嘅「阿姨」旧式早餐店，心谂香港又冇呢类嘅早餐店菜式，于是就带咗返黎香港，19年开业，同时又撑住港人共渡难关。 其实话佢系早餐店又唔算系，佢又冇开早市，但当佢系台式食堂就更好。荔枝角新店位置较宽敞，但有一半嘅枱都冇用到。格局就好朴实，就系饭堂look，干净洁白嘅饭堂look。 落单就用手机落order，有得绑定信用卡而线上付款。食物方面有最出名嘅猪肉蛋吐司，更有新店先有嘅鸡扒蛋吐司。仲有卤肉饭，花枝丸之类嘅小食，自家制芋圆糖水同冷泡茶等。(葵广店都有卤肉饭/芋圆/吐司，北角店就有多款便当但冇吐司而系外卖店。) 慢烤鸡腿芝士蛋吐司$53 店员有讲话所有食物都即叫即制，上枱时成tray连甜品饮品上，咁样就已经加咗唔少分。再加上又有提供手套，令你唔洗食到成手
黑布小巷现时仲有葵芳扫街店同北角便当店。餐厅由三个90后主理，疫情之前，佢哋已经去过N次台湾。佢哋成日帮榇当地嘅「阿姨」旧式早餐店，心谂香港又冇呢类嘅早餐店菜式，于是就带咗返黎香港，19年开业，同时又撑住港人共渡难关。
其实话佢系早餐店又唔算系，佢又冇开早市，但当佢系台式食堂就更好。荔枝角新店位置较宽敞，但有一半嘅枱都冇用到。格局就好朴实，就系饭堂look，干净洁白嘅饭堂look。
落单就用手机落order，有得绑定信用卡而线上付款。食物方面有最出名嘅猪肉蛋吐司，更有新店先有嘅鸡扒蛋吐司。仲有卤肉饭，花枝丸之类嘅小食，自家制芋圆糖水同冷泡茶等。
(葵广店都有卤肉饭/芋圆/吐司，北角店就有多款便当但冇吐司而系外卖店。)
慢烤鸡腿芝士蛋吐司$53
慢烤鸡腿芝士蛋吐司
$53
240 浏览
1 赞好
0 留言
店员有讲话所有食物都即叫即制，上枱时成tray连甜品饮品上，咁样就已经加咗唔少分。再加上又有提供手套，令你唔洗食到成手都系，又或至少有个tray垫底，就唔洗整到个枱一塌糊涂。性价比就唔错，见到佢有几多料都心满意足，但又冇想像中咁饱。
慢烤鸡腿芝士蛋吐司
$53
70 浏览
0 赞好
0 留言
鸡腿佢切开咗一旧旧，见到佢非常白滑。外层有焦香咗嘅颜色，肉质爽弹娇嫩，明显有腌料酱油等浓厚嘅调味，呢part有惊喜，又可能有人会嫌佢太咸/盖过肉味。
鸡蛋方面，佢唔系台式早餐店嘅多层次(玉子烧式)蛋，而系半熟流心蛋，师傅咁啱切正有蛋黄𠮶个位，成个toast都沾满蛋液(唔怪得要带手套🤣)，蛋白就简单用黑椒调味。
慢烤鸡腿芝士蛋吐司
$53
50 浏览
0 赞好
0 留言
芝士真系有D过份lor，背面全都系热溶后嘅黄金，更可以用手拎起块热溶芝士感受佢嘅香气。面包有一定嘅厚度，外层微烘脆，食落唔系空气包𠮶款。食食吓发现有阵蜜糖嘅甜味，原来中间系搽咗层秘制酱汁，但我就食到只系蜜糖。
冻顶乌龙茶$28(跟吐司+$3 only)
冻顶乌龙茶
$28
55 浏览
0 赞好
0 留言
杯上写上饮品经过八小时嘅冷泡而成，不含防腐剂。饮落一开头冇乜味，但饮多一两啖就有香浓嘅茶味，微带回甘。
黑糖红枣姜三色圆$38
黑糖红枣姜三色圆
$38
42 浏览
0 赞好
0 留言
一上枱望到只系一片啡水，但其实d料潜哂底。糖水嘅黑糖味后韵强，带有红枣如蜂蜜般嘅甜美同一丁点嘅姜味，仲有多个红枣肉。三色圆就当然系蕃薯/芋头同紫薯。形状呈正方体，有数多旧都痴埋一齐，呢点要改进一吓。
黑糖红枣姜三色圆
$38
21 浏览
0 赞好
0 留言
质感系我钟意嘅唔太烟韧而内里冇粉粉嘅口感，而且三种味道都各有各本身嘅原材料味。芋头明显有D沙沙地嘅芋头泥口感。但缺点就真系少咗D lor，三两吓就食完，唔适合share。
张贴
