閩粵軒

营业中

休息中

一边叹美食，一边享受维港海景，绝对系顶级享受。同老公拣咗午市套餐～✨翡翠带子饺/樱花虾千丝酥/鲜虾蟹籽烧卖每款各一件，卖相非常精致。最喜欢樱花千层酥，好香口、口感一流；翡翠带子饺，薄薄嘅饺子皮包住超级饱满嘅馅料；烧卖嘅蟹籽大大粒好吸睛🤩✨胡椒猪肚汤一打开盖已经闻到劲香！胡椒味超级浓郁，非常喜欢！饮完成身暖笠笠。✨豆酱焗青龙趸龙趸啖啖肉，配上咸咸香香嘅豆酱，份外惹味～✨闽粤泉水鸡调味相对简单，反而最能保持鸡件最原始鲜味。而且鸡肉结实有口感。✨金汤米线或潮州/陈年老菜脯炒饭个金汤！谂起都流口水！啱晒我呢个酸辣控超级惹味🤤老菜脯炒饭亦好少食到，散发着类似蜜饯嘅酸香味，配合炒饭好好食～✨银杏芋蓉炖鲜奶鲜奶奶味香浓，口感滑溜；面层配上一层灾绵滑芋蓉，整体甜度刚好，好满足。