影片
更多
2021-08-15
136 浏览
蟹点我地一家三口去食，知道星期日间间都爆满，呢度都唔例外，我地9点左右先埋位，知佢系C 类型餐厅，收12点，唔洗赶头赶命。叫左3样嘢食，两杯饮品。唔知系咪星期日关系，出品好参差。1。豉椒炒蛏子（4只 ） $168 味道方面处合格，但吊诡之处系有5个蛏子壳垫底，但蛏子用就得三只。2。泰式无骨海南鸡半只 $108 半只鸡系正常味嘅，用芥兰垫底，个汁都算几好。3。上汤澳洲焗龙虾伊面底 $438 今晚戏肉黎！老实讲写呢个食评都系因为呢碟𩠌。以澳洲龙虾黎讲，价钱可以话系抵食，但除咗抵食要有好多因素加埋，先至叫做性价比高。呢碟系后加既，当时大约9:30左右，见到后面老细或者餐馆负责人已经准备紧宵夜，大约四五碟咁上晒，可能导致碟龙虾超过半小时以上都未上到。到了上菜时，卖相都唔错既，但当用筷子夹落去时，个伊面好似糊仔咁，又碎又淋。不过都算，就当个伊面系配菜，同时个龙虾系Over cooked 得几紧要，好鞋同冇味道。但之后发生最大最大既问题，太座竟然系个伊面度，食到香口胶 ！ 我当时立即揾后面果三个负责人或老板，佢地望一眼就话肯定唔会系，我立刻用双手的手指公及食指揸住，再分开比佢地睇，佢话
我地一家三口去食，知道星期日间间都爆满，呢度都唔例外，我地9点左右先埋位，知佢系C 类型餐厅，收12点，唔洗赶头赶命。
叫左3样嘢食，两杯饮品。唔知系咪星期日关系，出品好参差。
1。豉椒炒蛏子（4只 ） $168
味道方面处合格，但吊诡之处系有5个蛏子壳垫底，但蛏子用就得三只。
2。泰式无骨海南鸡半只 $108
半只鸡系正常味嘅，用芥兰垫底，个汁都算几好。
3。上汤澳洲焗龙虾伊面底 $438
今晚戏肉黎！老实讲写呢个食评都系因为呢碟𩠌。以澳洲龙虾黎讲，价钱可以话系抵食，但除咗抵食要有好多因素加埋，先至叫做性价比高。呢碟系后加既，当时大约9:30左右，见到后面老细或者餐馆负责人已经准备紧宵夜，大约四五碟咁上晒，可能导致碟龙虾超过半小时以上都未上到。到了上菜时，卖相都唔错既，但当用筷子夹落去时，个伊面好似糊仔咁，又碎又淋。不过都算，就当个伊面系配菜，同时个龙虾系Over cooked 得几紧要，好鞋同冇味道。但之后发生最大最大既问题，太座竟然系个伊面度，食到香口胶 ！ 我当时立即揾后面果三个负责人或老板，佢地望一眼就话肯定唔会系，我立刻用双手的手指公及食指揸住，再分开比佢地睇，佢话系龙虾既精子黎。
我立即话OK ,明白。即时将所有野包起，联络左食环署处理，同验清楚。 希望有机会update 一下有机会睇到呢个食评既人。
14 浏览
0 赞好
0 留言
张贴
