阿木台灣麵 (廣華街) (已結業)

听见收音机电台话呢间台湾面好多人选择，今日经过广华街见到就一于试吓。今晚晚市，大概等咗四张枱15至30分钟到。一入到去俾个环境吓亲，而家有疫情，但系坐到密密麻麻，手踭撞手踭。应该都已经违反晒疫情条例。叫咗啲大路嘢，红烧牛肉面，肉操拌面，蛋饼。整体来讲味道系可以的。有一少少提议就系蛋饼如果能够煎㶶少少个皮就会更加好。因为喺台湾食过㶶啲系会香啲。食食吓听到后边张枱有个客人细细声讲话枱面好多蚁。立即睇吓自己张枱，发觉放筷子的容器有几只买行嚟行去。即刻有啲唔开胃。连我都听到后边的客人话蚂蚁，我相信在喺个店员都一定听到，但佢乜嘢都冇做。😔当个环境咁恶劣就算啲嘢食几好味都冇用。