味火鍋 (華僑商業中心)

同朋友成日都去，以前去开尖沙咀店都已经好钟意，宜家开咗旺角店仲方便。 今次同屋企人包房食饭，人多就可以样样头盘都叫啲，一齐试下，自己最钟意黑松露焗蚝，一客有3只，够哂juicy。汤底一个拣咗沙嗲汤同豆乳海鲜汤做鸳鸯汤底，另一个就系麻辣同芫茜汤。沙嗲汤够香浓，豆乳汤清清地渌海鲜就啱哂，麻辣汤入面啲鸭血好好味，仲可以追加任食。食材方面，海鲜拼盘劲新鲜，只鲍鱼上枱时都仲郁紧架，手打丸弹牙有口感就系我另一最爱。其他嘢食都好平均，连任食𠮶啲都好得，新加嘅墨鱼肠望落好丑样，但原来又几好味。欣赏佢地久唔久又转少少款式。等我哋食开嘅客人都有新鲜感。服务态度又good good, 加上无限时，可以轻轻松松咁食，难怪一到weekend就要早好多预订。