山東小城 (埃華街)

营业中

休息中

做左一轮嘅功课，发现十个有八个都会推介呢间饺子店，首推系少见嘅墨鱼饺，热爱饺子嘅我，当然已经心心眼!!🙊墨鱼荸荠饺 $55十只饺子上枱果阵已经闻到墨鱼腥味，老实讲，气味唔讨好😂，好彩食落无腥味。茡荠原来系马蹄，所以有爽口感，亦食得到墨鱼粒；饺皮系滑口感，而唔系弹牙感，我个人比较中意后者😅，加上热度唔够，内馅只系温暖状态，确实令我有点失望😐。京葱羊肉煎饺 $34五只呢个煎饺热度比墨鱼饺高，食得出系新鲜煎出黎。友人一咬就喷汁😯，表示惊讶，无谂过肉汁如此澎湃；内馅有羊膻味，浓度我可以接受；最中意佢真系煎出黎，而唔系炸，因为坊间好多煎饺其实系炸饺。葱油饼 $28由于我地4个已经食过正餐，但又唔好意思只点2款野，唯有点埋呢个饼。葱饼煎到两面脆，味道同超市买果D分别唔大。