薔紅

营业中

休息中

不停听身边嘅朋友话过到湾仔一定要试呢间嘅烧春鸡，奈何对一个九龙人嚟讲特登去食真系有啲远，适逢有日去开湾仔𠮶边有嘢做就一于试一试佢Lunch hour 1点几去到都要等一阵先有位，餐厅里面好大，系典型香港茶餐厅格局。坐低即刻叫咗烧春鸡同一个常餐。员工好贴心叫烧鸡嘅会俾埋手套你可以就咁撕嚟食。等咗一阵只鸡就送到你台面，热辣辣咁睇得出啱啱炸起。如果用手撕嘅真系要摊一摊，废事辣亲手。每份鸡都会配埋泰式辣酱同椒盐，但系我觉得只鸡本身已经够味，再点椒盐会太咸。一撕开只鸡，里面啲肉好滑，睇相都可以见到啲肉汁，真系好好食啊！至于个常餐真系麻麻地，大家去到可以主攻烧鸡总括嚟讲，个鸡同我想像中一样咁好食，下次去开湾仔都会再食。