囍筷 (已結業)

前排工作关系响铜锣湾，朋友介绍有间叫囍筷的台湾便当小食店几好食，于是经开顺便买两个外卖便当，估唔到真系好有惊喜！😍呢间小店只有几个堂食bar枱位，主打做外卖，咁啱我又想食台湾嘢就即管去试下，我同朋友叫左盐酥鸡便当同埋台式红烧牛肉饭便当。讲真两个饭都好食过好多台湾餐厅。😆个盐酥鸡便当入面啲盐酥鸡超有台湾风味，而且又有糖心蛋，饭系配卤肉饭，配菜又有西兰花同埋超好味嘅台式茄子。😋台式红烧牛肉饭入面嘅牛肉就炆得好冧而且个牛味好重，食得出台湾卤汁喺入面，真系食过返寻味。😋最后想提卤肉饭，因为佢d肉唔系一粒粒肉碎而系五花腩切细而成，五花腩亦都系入晒卤水味，令我食个饭食得好开胃，所以去开铜锣湾，可以试下囍筷。除便堂小食外，当然唔少得台式饮品，我哋配咗四季春和台式奶式，好有茶味亦唔过甜。👍