滿江紅 (已結業)

落住大雨，走到距离地铁站都十分钟路程既餐厅，虽然位置难找，但系人流依然十分旺。 —————————铺头有三层，第一层系楼面，上到去系两层餐厅，最上果层可以见到满江红大大既中式牌匾。餐厅地方阔落，坐左近窗位置。侍应马上招呼热茶，仲帮我地斟埋，服务态度好好，所有要求都即叫即到。有个小前菜，麻辣海带，都几辣下，但系十分惹味。——————————餐单里面好多传统地道既川菜，我地叫左个皮蛋豆腐做前菜， 渝洲凉面，一份茶树菇汤，大大份既水煮黄膳片。 个面好爽口，加上新鲜既青瓜丝，非常有好感，酱汁都整得好惹味。————————豆腐既豆味浓厚，个皮蛋好似温泉蛋咁 中间流心，口感好特别。 ————————-茶树菇汤个人觉得中规中矩。 正常老火汤。几多料，但系肉有点老。———————最后系大大煲既水煮黄鳝片，入面好多料，有猪红，笋，薯粉，芽菜，同埋黄膳片，大量大量既辣椒，都真系几辣下，但系十分惹味！ 配埋个热黏黏既白饭就岩岩好。 ——————-整体都唔错既餐厅，系价钱偏贵，但性价比唔错，特别日子可以尼试试，非常有川菜风味。