意粉廚房

营业中

休息中

谂住喺酒店入边嘅餐厅水准都应该唔会太差，虽然系四星级嘅酒店，但系食物就冇四星嘅质素啦！装修简陋，座位安排比较迫，一睇餐牌发现价钱都唔平，有八十几至到百几蚊不等。但系标榜汤任饮，咖啡奶茶自助添饮，感觉上又真系冇咁贵啦！有两款汤中式同埋忌廉蘑菇汤，两款汤就好似茶餐厅嘅例汤，一系太咸一系就太淡。茄汁海鲜意粉卖相就唔错啦，虾的雪味太多，龙利鱼柳偏硬。蜜糖芥末汁鸡扒个样睇落去好大块，但系就系好薄身，实际份量同普通鸡扒餐差唔多，冇乜蜜糖冇乜芥末味。红酒烩牛肋排差唔多20分钟先煮好，但系呢一个有心机煮出嚟嘅𩠌就真系最好食啦，牛肋又淋又入味。呢个价钱来讲性价比比较低。