人和荳品廠 (已結業)

细细个成日嚟食依间店，主打豆腐食品。难得今日系铜锣湾行完街有啲攰，就喺度食个小食歇歇脚。舖头细细，但算多位。座位好狭窄，好彩我只脚生得短，如果对脚长啲，其实都坐得几辛苦。我叫咗份鱼肉煎豆腐同埋一杯热豆浆 。由于人流多、回转多，所以厨房嘅叔叔不停系度煎豆腐。一碟四件，碟野上枱时系热腾腾。虽然味道不及当年，而鱼肉亦相对少咗，但加埋佢特定嘅李x记蒸鱼豉油，成份鱼肉酿煎豆腐嘅鲜味又出咗黎啊 。杯热豆浆唔算太甜，几好饮。