敏華冰廳 (MOKO新世紀廣場)

营业中

休息中

同老公去花墟拍拖行吓街，顺便买个盆栽点缀一下，行到MOKO附近有啲攰，就走去睇吓附近有咩食.一上完电梯就见到文华冰厅，唔使谂就直接入去。茶餐厅装修明亮，干净企理，冇论厅面同厨房内嘅柜都贴好用具分类，虽然系半开放式嘅厨房，但就算你坐近吧枱嘅卡位，都绝对冇油烟味，值得一赞！食物方面，见到咖咉多士上枱就已经流口水🤤，一开4份，每份夹住一小片厚身嘅牛油，配上甜度刚好嘅咖咉酱，再呷一口黑白淡奶杯嘅香滑奶茶，悠闲又享受嘅感觉！另外仲叫咗个咸牛肉蛋治，因为太肚饿，见到已经秒速食晒唔记得影相，呢度食物分量唔算大但味道唔错，见到佢有个暗然叉烧饭，下次行完街又来试吓先！