影片
更多
2018-11-28
6729 浏览
香港啲日式放题开到成行成市，广受年青人爱戴，而Buffet 呢个字响年青𠮶一辈就好少提起！其实坊间放题都$3XX 食得2粒钟，赶到死！加多少少去酒店食 buffet 就可以慢慢叹，都抵嘅！今日托贵人鸿福有人请客，一于show 吓我啲食力先💪！Cafe East 地方唔算好大，但枱与枱之间非常宽敞，就算经常行出行入攞嘢食都唔怕撞到隔离枱 场内分咗几个食品区，有沙律冷盘区，寿司刺身区，热荤区，铁板烧区，粉面区，甜品区。冷盘区有冻海鲜（长脚蟹、海虾、开边龙虾、贝壳类）- 龙虾肥美，虾膏又多又香，食两只系基本！- 海虾大大只，鲜甜爽口又弹牙，食半打湿湿碎啦！- 上海冷盘小碟有凉瓜、豆腐、溏心蛋、小冷面，细细一碟又可以多试几款！沙律方面，推介大虾小八爪鱼沙律拌橄榄油，除咗用少少盐同胡椒粉调味外，啖啖都系鲜！鲜！鲜！刺身寿司水准一般，不如留肚食铁板烧啦！铁板烧有虾、三文鱼扒、和牛扒、羊架即叫即烧！- 大海虾用牛油蒜蓉一齐煎，香到不得了！- 牛扒亦煎得刚好，牛味浓郁唔驶醮汁已经够味- 羊架肉质鲜嫰，冇膻味，我见好多人都一次点两件以上！- 如果唔想等，铁板烧旁边亦有已经烧好嘅烤牛肉、猪肋骨、蜜糖烧鸡锤
Cafe East 地方唔算好大，但枱与枱之间非常宽敞，就算经常行出行入攞嘢食都唔怕撞到隔离枱
场内分咗几个食品区，有沙律冷盘区，寿司刺身区，热荤区，铁板烧区，粉面区，甜品区。
冷盘区有冻海鲜（长脚蟹、海虾、开边龙虾、贝壳类）
- 龙虾肥美，虾膏又多又香，食两只系基本！
- 海虾大大只，鲜甜爽口又弹牙，食半打湿湿碎啦！
- 上海冷盘小碟有凉瓜、豆腐、溏心蛋、小冷面，细细一碟又可以多试几款！
沙律方面，推介大虾小八爪鱼沙律拌橄榄油，除咗用少少盐同胡椒粉调味外，啖啖都系鲜！鲜！鲜！
刺身寿司水准一般，不如留肚食铁板烧啦！铁板烧有虾、三文鱼扒、和牛扒、羊架即叫即烧！
- 大海虾用牛油蒜蓉一齐煎，香到不得了！
- 牛扒亦煎得刚好，牛味浓郁唔驶醮汁已经够味
- 羊架肉质鲜嫰，冇膻味，我见好多人都一次点两件以上！
- 如果唔想等，铁板烧旁边亦有已经烧好嘅烤牛肉、猪肋骨、蜜糖烧鸡锤，啱晒食肉兽！
粉面区入面有原盅炖汤（今日系茶树菇花胶螺头炖汤），对于长期缺乏汤水嘅我哋，真系绝对绝对绝对唔可以错过！
炖汤对面系热荤区，主打系东南亚美食有广式烧味，烧乳鸽，北京填鸭、炆鲍鱼花胶、仲有印度咖哩＋烤饼、新加坡肉骨茶、日本关东煮……
- 乳鸽肉质比 BB 鸽粗糙啲，但胜在多啲肉同埋肉味浓啲。
- 印度咖哩香辛味浓，配埋烤饼系完美配搭
- 新加坡肉骨茶胡椒味重啲，药材味轻啲，比马来西亚肉骨茶清爽啲啲。
食到咁上下就要去甜品区行吓喇！甜品响成个 buffer 入面嘅重要程度仅次于海鲜/主食，出色嘅甜品绝对吸引回头客！今晚嘅甜品都非常出色。
- 滨城薄饼系怀旧小食，以前啲小贩车仔档都有卖，用平底镬仔煎出又薄又脆嘅薄饼，配花生碎椰丝砂糖对折成半圆形，又甜又脆！如果配雪糕就冰火口感滋味无穷❤️
- 疏乎厘小班戟配鲜果香草汁，呢款甜品系近期人气急升，今日唔驶排队就食到
- 雪糕方面有我至爱嘅 Häagen-Dazs 仲有8款咁多！
- 其他甜品方面，芝士挞，葡挞都好香，而蛋糕甜品方面就有乜选择，希望下次有多啲蛋糕啦！
最后讲吓服务，真系非常贴心，全晚开心写意又满足！我要快啲 book定下次至得！
张贴
