生記飯店 (已搬遷) 新店位置

睇咗电视介绍佢呢间怀旧饭店，打电话去订位职员好好就会问我哋要唔要预留盐焗鸡或炸子鸡，我哋就留咗半只盐焗鸡，因为得两个人，好想食炸子鸡但炸子鸡要全只，我哋叫咗佢嘅招牌生炒骨，另外椒盐鱿鱼，盐焗鸡非常好味道，好特别真系好好食，好滑好香，生炒骨真系要俾个大手指公佢，有人话佢啲嘢贵，当我自己食完我觉得系值比呢个价钱，真系出面第二度食唔到咁好厨艺，咁出色嘅舖头真系希望佢继续可以营业keep住，真系好难食到咁好味嘅生炒骨同盐焗鸡，我一直唔知乜嘢叫做念念不忘，好回味，食完好想再食，真系会好挂住，原来就系佢个盐焗鸡生炒骨，希望日后人多啲去食，可以叫多啲唔同怀旧菜式，师傅真系好掂👍👍👍👍👍