千之味刺身壽司專門店 (雅都花園)

营业中

休息中

今个月要庆祝爸爸妈妈结婚周年纪念，听到朋友介绍呢间寿司店好高质，就试下外卖返屋企慢慢食！店舖装修得好干净企理，对于食刺身寿司嘅客人嚟讲，系信心保证（亦系必要嘅保证）！寿司同刺身嘅选择非常多，而且数量都可以拣，当然叫越多就越抵啦。落单之后，就见到厨房里面师傅开始准备，确保新鲜！而令我惊讶嘅系，厨房同冷冻柜嘅位置同铺面差唔多大，睇得出店主好有诚意，要确保食材新鲜同干净。当然最重要嘅系食物质素非常高！例如必食嘅三文鱼刺身都好厚身，而且肥瘦均匀，建议唔加豉油，直接食佢鲜味！甜虾比平时见到嘅大条好多，而且肉质好Q弹，完全冇腥味，非常新鲜。另外都好推荐大家试吓三文鱼忌廉芝士卷，喺其他地方比较少见嘅选择。忌廉芝士嘅Creamy加上三文鱼嘅鲜味，成件事好有趣，食完想再食！值得一提嘅系，唔好睇佢店舖细细，但都有提供全港外送服务。而且亦都有好多定食，便当，丼饭嘅选择，价钱都相当合理！系值得推荐嘅好地方。