上海豆漿大王

营业中

休息中

自从毕业后就冇食过上海豆浆大王，好怀念。点咗最爱之一嘅糖醋排骨面配雪菜。排骨同面系分开上。糖醋排骨嘅味道真系令人回味，超入味，酸中带甜。不过咁多年排骨都系有少少嚡。面系上海粗面，一般黎讲我都唔太钟意亦唔会主动叫粗面，因为冇味，难吸汤汁，感觉似食面粉。不过呢间因为有最爱嘅糖醋汁及雪菜配面食，食落味道唔会话淡到一个点。如果同我都有呢个重口味嘅问题嘅人，就建议配粉丝喇。成碗面好大碗，食咗一半已经饱。另外叫咗两份锅贴（总共：6件）同屋企人share食。锅贴个皮脆口，咬落都有肉汁。但皮有d厚。从个碟底亦睇到几多油下。豆浆要散点。一杯冻，两杯热。我饮咗一啖冻豆浆就决定比阿爸饮。实在甜，甜味盖咗豆味。以前唔太钟意饮热豆浆，因为佢本身冇加糖，要自己一匙一匙落砂糖，变相就会发觉觉己饮咗好多糖分，有罪恶感。因为呢个原因我今次就冇落糖。饮落有淡淡豆香。唔知系唔系人大咗，比糖分嘅接受程度减少咗，唔落糖嘅豆浆味道刚刚好，都已经有甜味。水准多年都保持到👍🏻👍🏻有机会要再黎回味下。